Stress, Wari mo Tingting tumas
Written by: Jinny Ruben: BHSC (OT), Dip LC, Business and Life Coach
Stress hemi wan filing lo yu wan taem yu gat presa lo laef blo yu. Bodi blo yu, mind blo yu mo filing blo yu hemi showem aot riaksen lo stress. Samtaem yu gat headache, ol muscle oli tight tumas, yu no save silip gud, heart blo yu I pump hariap tumas, yu wari, mind blo yu I no save settle, yu harem no gud, yu filim sad mo depressed. Samtaem riaksen blo yu hemi kros kwik mo yu save talem sam toktok weh I save ofendem naraman mo samtaem yu save mekem action weh I no stret.
Fulap samting hemi kosem stress olsem wari taem yu no gat enaf mane, I gat stress lo wok, wari lo saed blo health, problem lo home mo famle.
Fulap samting weh I hapen naoia olsem COVID pandemic hemi kosem stress olsem border I shut, jenj lo wok, inkam I drop mo yumi no sure lo fulap samting mo taeming blo hem. Plente kaontri lo world I stap lo semak situesen.
So…. taem yu filim stress wanem nao bae yu save mekem?
- Fes samting, yu mas lukaotem yu wan, rest mo silip gud, kaikai gud, mo eksesaes gud. Eksesaes hemi wan gud wei blo handlem stress from hemi tekem aot stress lo body mo mind and helpem yu blo silip gud lo naet.
- Yu mas tingting positive ol taem. Negative tingting hemi mekem stress I go worse.
- Toktok lo wan man we yu trastem hem mo hemi wise, olsem wan gud friend or family, wan Pastor or wan Dokta. Taem yu sherem problem bae I helpem yu lo harem gud.
- Spos yu gat faith lo God, yu pray from God nao hemi helpem yu lo every problem lo laef blo yu.
- Tekem wan dei at a taem. Wari blo tumoro, bae yu no fesem tede, be wanem weh yu save mekem blo tede, yu mekem.
- Faenemaot wanem nao hemi kosem stress blo yu mo faenem ways blo brekem daon problems ya blo mekem se I mo isi blo solvem, so stress blo yu I kam daon.
- Smile mo Laflaf, hemi wan gudfala medicine blo rilisim stress!!!!
Jemba blong Komes emi gat ol sapot we yu olsem wan bisnis ona isave gat akses long hem. Ol sapot mo sevis ya igat woksops, Givhan long bisnis mo Bisnis mo Laef Kojing prokram. Yu save kam mo toktok wetem Adrian Toka (Bisnis Sapot Kodineta) sapos yu gat any qwesten o klikim PLES YA blong go ridim mo abaot Bisnis mo Laef Kojing mo hao nao yu save pat long FRI prokram ya.
