TELECOM VANUATU LIMITED DILIVAREM EKSELEN KASTOMA SEVIS
VCCI’s Bisnis Trening Ofisa Irene Titek hemi jas komplitim wan 4 dei intensive trening long Telecom Telecom Vanuatu Limited (TVL) Retail Unit staff long ‘Dilivarem Ekselen Kastoma Sevis’.
Igat 8 patisipen oli bin attendem trening eli long manis Julae, we I bin stap long Trening Rum blong TVL.
Pat blong trening ia I bin fokas long patisipen I lukluk bak long hemwan mo I lanem ol samting forom hemwan iet mo ol difren kaen pesonaliti. Aot long self-analisis ia, ol patisipen oli lanem ol kaen wei we oli save usum ol skil blong olgeta blong sevem ol kastoma mo givhan positivli long peles blong wok.
Trening ia I inkludum ol diskasen we I intaraktiv bitwin ol patisipen long ol jalensis we TVL operesenol wokman I stap fesem naoia, mo I krietem ol solusen long ol jalensis ia, we I riflek iko bak long ol Sinia staff insaed long okanaeseson. Ol solusen ia I bes long aproj blong solvem ol problem we I save intapreted iko long ol operesenol plan mo manuol we I andapinim sakses blong TVL blong kasem ol goal blong hem.
Fidbak long ol patisipen blong trening I inkludum:
‘Mos impoten samting we mi lanem hemi abaot olsem wanem nao ol fasin mo hao mi mekem samting I save afektem hao mi rilet iko long wan kastoma. Olso mi nid blong fokas long wanem nao ol samting we istap olsem ol dilivarebols blong mi blong kasem ol shead goals blong TVL’
‘Mi laekem ol eksperiens we wanwan patisipen I serem long taem blong diskasen mo I klia mo isi blong andastanem trena’
Evri patisipen we oli komplitim trening blong olgeta ibin kasem wan Stetmen blong Komplisen Setifikat, mo gat wan sens blong kret ajivmen.
VCCI Istap oltaem blong givhan mo sapotem ol lokol bisnises long saed blong leftemap ol skil long everi eria. Plis fil fri blong kontaktem Irene Titek long Port Vila Ofis long +678 27543 / 7123967 mo diskasem ol trening nid blong yu.
