Long VCCI mifala I luk save se taem naya hemi dificol blong ol bisnis ona. Blong rispon long emia mifala I stap wantem sapotem ol memba blong mifala, wan long olgeta sapot we mifala wantem givim nao emi wan seves we oli kolem Bisnis mo Laef Kojing.
Mifala I bin toktok wetem lokol konsalten Jinny Ruben blong hem nao emi givim seves ia. Jinny hemi wan praod kiwi we I maretem wan Ni-Vanuatu blong ova 20 yia mo hem hemi mama blong 4 pikinini. Hem emi wan Bisnis mo Laef Koj, mo hemi wan kwalifaed Occupationol Terapist. Jinny hemi singaotem Vanuatu home blong ova 16 yia mo hemi save toktok gud Inglis mo Bislama. Jinny emi gat save long saed blong bisnis (ova long 20 yia experiens), mo tu hem emi ona blong plante difren kaen bisnis. Sam long olketa bisnis blong hem emi wan Auckland based private praktis, cargo/ pasenja shiping bisnis, vegebox bisnis, dei spa, laef Kojing mo tu wan holidei rental bisnis.
Olsem wan Laef mo Bisnis Koj konsalten, Jinny I luk save ol jalenjes blong Laef mo Bisnis long environment olsem naoia mo hemi passionate blong encourajem mo helpem ol man wetem woman blong save tokbaot mo talem story blong olgeta abaot ‘’Laef”
Hao nao hemi wok?
Jinny I mit wan on wan wetem ol klaens blong hem long wan secret mo komfotebol ples mo bae I ofarem ol qualified klaens blong VCCI kasem 10 sesen without wan cost. During ol sesen ia bae hemi focus long:
- Empowerem ol klaens blong wokemaot wanem oli wantem long laef ( gols & aspirations) mo mekem wan action plan wetem klaen blong richim hemia.
- Motivatem, encouragem, supportem mo assistem klaens long wan wei we emi stret mo confidentiol way.
- Assistem ol klaens blong biliv long olketa,luk save mo usum ol talens, pawa mo abilitis blong oli save achivim ol positive resal.
- Equipim ol klaens wetem ol tuls mo tekniks blong helpem olketa.
- Enablem ol klaens blong identifaem ril mo perceived chalenj we I stap blokem olketa blong achivim ol gols mo ofarem ol strategis blong dil wetem ol chalenj, ovacom or removem olketa.
- Enablem wan business ona blong identifaem ol drim mo gols blong bisnis blong olketa.
- Serem ol personal bisnis experiens blong hem long ol klaens blong helpem olgeta lo wokbaot blong olgeta lo saed blo bisnis
Hao blong saen up?
Initial intek bae hemi blong approximately 10 klaens mo bae hemi happen long Julae 2020. Sapos yumi gat extended interest bae yumi inten blong ofa moa inteks long this year.
Yu we yu interes, o wantem nominatem wan man blong service ia, plis klikim PLES YA blo daonlodem fom, fulmap fom mo sendem long imeil e kam long support@vcci.vu bifo Fri 24th Julae.
Blong save moa – plis yu kolem Jinny long 7118414
