Abaot Mifala

Submenu

Hemi bin stat long 1995 ananit long Jemba blong Komes mo Indastri blong Vanuatu Akt, Vanuatu Jemba blong Komes mo Indastri (VCCI we long inglis lanwis yumi talem se Vanuatu Chamber of Commerce) hemi ripresentem ol memba blong ol bisnis komuniti raon long Vanuatu. Evri bisnis we oli holem ol valid bisnis laesens long Vanuatu semtaem nomo oli kam memba blong Jemba taem we oli pem fi blong bisnis laesens blong olgeta.

Niufala visen stetmen blong mifala, wan stebol mo prosperas ekonomi, enkarejem tred, invesmen mo pravaedem ekonomik opotuniti blong evri memba blong sosaeti tru aot long Vanuatu, yumi praod blong borowem long Nasonal Sastenebol Divelopmen Plan blong Kantri.

Hemi soemaot i kliagud tingting blong VCCI blong kam wan okanaesesen we hemi mekem wan iunik mo siknifikan kontribusen long fiuja blong kantri from hemi ripresentem praevet sekta we i daelok wetem Kavman mo ol narafala, we i provaedem wan gudfala bisnis divelopmen seves raon long kantri we hemi ifektif.

Misen blong VCCI hemi blong:

Sapotem praevet sekta blong mekem wan samting we i different olgeta mo nambawan kontribusen i go long ajivmen blong Nasonal Sastenebeol Divelopmen Gol, blong dilivarem seves we i produsim valiu blong VCCI membasip, Gavman mo ol narafala stekholda; mo
Sapotem ol polisi, ol strateji, ol lejislesen, ol rekulsesen, ol triti, agrimen mo ol inisietiv we i save mekem bisinis i gro lo ol rod we i sastenebol, i gat positive impak long ekonomi, sosaeti mo envaeromen.

Ol Staf

Vanuatu Jemba blong Komes mo Indastri i stap blong givhan long yu wetem eni kwesten we yu save gat. Yu fri blong kontaktem mifala long ol aoa blong wok.

Sipos yu wantem infomesen blong ol staf, yu save klikem link ia.

Kaonsel

Ol Staf blong Vanuatu Jemba blong Komes mo Indastri (VCCI) hemi wan Statoturi Bodi we i bin stat long 1995 tru long Jemba blong Komes mo Indastri blong Vanuatu CAP 236 Act.

Lejislesen ya i setemap wan strakja blong “Kapitol Kaonsel” blong 16 memba evriwan. Ol memba ya oli ripresentem: ol smol mo bigfala bisnis, turisim, akrikalja, faenans, konstraksen, manufakja, land, ea, mo ol transpot blong solwota, okanaesesen blong ol woman mo pablik utilitis.

Wanwan Kaonsel memba ya oli memba blong VCCI oli votem olgeta blong holem wok ya blong tu(2) yia. Ol memba blong kaonsel ya oli traem olgeta long taem we oli holem wok blong mekem sua se oli stap oltaem. Miting blong kaonsel i sidaon long evri namba tu(2) Tasde blong manis.

Yumi oltaem enkarejem ol memba blong VCCI blong kontaktem ol memba blong kaonsel we oli ripresentem sekta blong olgeta. Blong mekem kontak wetem wan memba blong kaonsel plis kolem reception@vcci.vu mo bambae mifala i konekt wetem yu.

Sipos yu wantem infomesen blong ol kaonsel memba, yu save klikem link ia.