Proses blong save go bak long bilding

Gavman blong Vanuatu i bin karemaot wan fes mo kwik asesmen we i luk olgeta bilding oli putum olgeta long olgeta kategori olsem we i stap daon ia:

Kategori 1 – Hemi gat bigfala denja: Hemi no sef mo i nid blong tekem aksen kwik taem

Kategori 2 – I gat damej long bilding be hemi no stap olsem wan denja

Kategori 3 – I nogat damej

Blong faenem stetas blong bilding blong yu, jekem stetas we i stap naoia, mo jek sipos yu inseat o outsaet ‘CBD red zone’ long map ia. Tekem not se fes kwik asesmen hemi no wan faenol asesmen o hemi no givim raet long yu blong yusum bilding. Hemi mekem sua nomo se olgeta bilding oli kam olsem wan risk long sefti blong pablik.

Faenem stetas blong bilding blong yu

Kategori 3 –

I nogat damej

Hemi wan rikwaemen blong olgeta ona blong olgeta bilding we oli stap long kategori blong oli mas

Wok wetem wan enjinia mo rikwestem wan kwik enjiniaring asesmen ripot blong bilding. Mekem sua se enjinia hemi stap regista lo Vanuatu, hemi gat setefekesen, mo insurens long liabiliti.
Taem we yu karem asesmen ripot blong yu mo hemi stap konfemem se bilding blong yu hemi stap long kategori 3 – i nogat damej, askem long enjiniaring kampani blong hemi sabmitim ripot ia i kam long olgeta ripresentativ blong MIPU hemia Raviky Talae ravikytalae@gmail.com o kolem 5456811 o Junior Shim George gjunior@vanuatu.gov.vu o kolem 5300132.
Sipos bilding blong yu hemi NO STAP insaed long red CBD zon, yu save go yusum bilding afta we yu finisim step b. Hemi impoten blong save se yu no nidim setifiket blong talemaot se yu save yusum bilding blong yu sipos yu NO STAP insaed long red CBD zon.
Sipos we yu stap INSAED long CBD red zon, yu mas wet kasem taem we zon ia hemi stap long klia – hemia i stap minim se MIPU i mas lukluk long evri bilding long Kategori 2 & 3 mo mekaem sua se oli sef. Taem we zon blong yu i klia, MIPU bambae i askem apruvol long Gavman blong oli save openem zon. Naoia we i stap i gat zon kliarens mo olgeta zon plan we oli stap apdeitem olgeta taem oli kasem apruvol.
Taem we oli apruvum blong openem zon mo olgeta wok blong hem long saed blong loa hemi finis, bambae MIPU hemi givimaot pemit blong save yusum bilding i go long olgeta stret enjinia kampani mo olgeta bambae oli givim pemit ia i go long olgeta stret ona blong olgeta bilding. Blong olgeta bilding long red zon, afta we yu kasem 2025 pemit ia, mo zon ia hemi open, yu save wok mo operet bageken long bilding blong yu insaed long CBD.

Kategori 2 –

I gat Damej be hemi no stap olsem wan denja

Oli save mekem ripea long bilding mo mekem se bilding hemi sef

Hemi wan rikwaemen blong olgeta ona blong olgeta bilding long kategori ia blong oli:

Kontaktem insurens kampani blong yu sipos we yu gat, mo mekem agrimen long klem process.
Olgeta ona blong olgeta bilding oli nid blong wok wetem wan enjinia mo hemi mas rikwestem wan ditel asesmen ripot blong bilding we i inkludum klarifikesen long stret wok we i nid blong mekem long bilding. Mekem sua se enjinia hemi stap regista lo Vanuatu, hemi gat setefekesen, mo insurens long liabiliti.
Taem yu karem ditel enjiniaring asesmen blong yu, yu nid blong plan from olgeta ripea mo hemia i inkludum olgeta infomesen blong olgeta kontrakta, taemlaen mo olgeta wok mo askem enjiniaring kampani blong i sabmitim asesmen wetem olgeta plan blong ripea i kam long tufala ripresntativ blong MIPU hemia Raviky Talae ravikytalae@gmail.com o kolem 5456811 o Junior Shim George long gjunior@vanuatu.gov.vu o kolem 5300132.
Karemaot olgeta ripea olsem we i stap long plan. Taem we yu kasem olgeta mein ripea stej, bambae enjiniaring kampani blong yu i kontaktem MIPU blong mifala i save kam luk, foloap mo apruvum olgeta ripea wok. Bambae yu nid blong folem proses ia kasem evri wok i finis.
Taem we olgeta wok i finis, askem enjiniaring kampani blong i sabmitim i kam long MIPU faenol enjiniaring plan we i soem se naoia bilding blong yu i stap olsem wan Kategori 3 bilding
Bambae yu nid blong wet blong Zon blong yu hemi klia- hemia i inkludum evri Kategori 3&2 bilding insaed long zon we MIPU i jekem mo talem se oli sef. Taem we zon blong yu i klia, MIPU bambae i askem apruvol long Gavman blong oli save openem zon. Naoia we i stap i gat zon kliarens mo olgeta zon plan we oli stap apdeitem olgeta taem oli kasem apruvol .
Taem we oli apruvum blong openem zon mo olgeta wok blong hem long saed blong loa hemi finis, bambae MIPU hemi givimaot pemit blong save yusum bilding i go long olgeta stret enjinia kampani mo olgeta bambae oli givim pemit ia long yufala. Afta we yu kasem 2025 pemit ia, mo zon ia hemi open, yu save wok mo operet bageken long bilding blong yu insaed long CBD.

Kategori 1 –

I gat bigfala denja

Hemi no sef mo i nid blong tekem aksen kwik taem

Olgeta ona blong olgeta bilding long kategori ia oli mas:

Kontaktem olgeta ripresentativ blong MIPU kwik taem hemia Raviky Taleae ravikytalae@gmail.com o kolem 5456811 o Junior Shim George long gjunior@vanuatu.gov.vu o kolem 5300132.
Wok wetem wan enjinia, o mekem sua se insurens kampani blong yu hemi stap mekem olgeta wok ia long bihaf blong yu. Mekem sua se enjinia hemi stap regista lo Vanuatu, hemi gat setefekesen, mo insurens long liabiliti. Harem wanem we enjinia i gat blong talem folem plan blong bilding blong – hemia sipos we hemi stap konfemem se i nid blong brokem daon haf pat blong bidling o ful bilding. Sipos we enjiniaring ripot i soem se yu no stap long kategori 1 plis toktok wetem olgeta long MIPU afta long step ia.
Sipos i nid blong brokem daon haf pat blong bilding o i nid blong brokem daon ful bilding, daonlodem mo fulmap pemit blong Port Vila Munisipol Divelopmen mo tikim ‘demolition’ .
Finisim demolisen plan blong yu we i shud inkludum evri ditel long method, kontrakta (inkludum kontak blong olgeta), wes manejmen mo olgeta narafala samting we yu nid blong lukluk long olgeta. Tekem Divelopmen Pemit mo demolisen plan blong yu i kam long Port Vila Munisipaliti hemia long Port Vila Semiteri Munisipol Woksop mo/o kolem Menses Fatdal long 7714272.
Taem we Port Vila Munisipol i kasem evri infomesen ia, bambae olgeta oli karemaot olgeta wok blong mekem se yu save gat apruvol mo bambae olgeta oli kontaktem yu blong go karem demolisen setifiket blong yu.
Taem we demolisen hemi finis yu nid blong kontaktem olgeta ripresentativ blong MIPU hemia Raviky Talae long ravikytalae@gmail.com o kolem 5456811 o Junior Shim George long gjunior@vanuatu.gov.vu o kolem 5300132 blong konfemem se demolisen hemi finis.
Taem we demolisen hemi finis mop les we demolisen i hapen long hem i sef blong yusum, bambae yu mas karem wan Bilding Pemit long Port Vila Munisipol blong save mekem divelopmen long ples ia bageken.