Stetas blong olgeta bilding insaed long CBD olsem we i stap naoia

Vanuatu Gavman tru long lidasip blong Ministri blong Infrastrakja mo Yutiliti tugeta wetem sapot blong olgeta dona patna, hemi bin karemaot wan fes kwik asesmen long fulap long olgeta bilding insaed long Port Vila CBD o red zon. Folem fes kwik asesmen ia, olgeta bilding oli putum olgeta folem olgeta kategori ia:

Kategori 1 – Hemi gat bigfala denja: Hemi no sef mo i nid blong tekem aksen kwik taem

Kategori 2 – I gat damej long bilding be hemi no stap olsem wan denja

Kategori 3 – I nogat damej

I gat tu (2) step we yu nid blong andastanem blong save stret proses we i aplae long yu:

Lukluk long stetas blong bilding blong yu, yu save daonlodem pdf o rikwestem wan kopi long reception@vcci.vu
Yu mas konfem sipos we bilding blong yu hemi stap INSAED o AOTSAED long CBD red zon – yu save daonlodem o rikwestem wan kopi long reception@vcci.vu

Plis tekem not:

Fes kwik asesmen hemi no faenol asesmen o hemi no givim raet long eni wan blong hemi go bak blong yusum bilding blong hem. Asesmen ia hemi blong yumi aedentifaem olgeta bilding we oli stap olsem wan risk long sefti blong pablik. Fes kwik asesmen ia oli mekem karemaot long olgeta had situesen. Be stetas blong olgeta bilding i save jenis hemia taem we olgeta gavman otoriti oli kasem moa infomesen.

Impoten:

Olgeta ona blong olgeta bilding we oli stap long Kategori 1 we hemi gat bigfala denja, plis kontaktem MIPU blong letem olgetea oli save abaot plan we yu gat gat long bilding ia. Hemia i impoten tumas from we hemi mata blong pablik sefti mo mifala i stap askem yufala blong mas kontaktem mifala kwik taem.