Bisnis Prepednes planning woksop long Santo, Malekula mo Tanna
Ova long wan handred bisnis ona mo opereta long ol tri provinsol lokesen we oli bin komplitim intensif wan dei woksop long Bisnis Prepednes planing blong kasem ol save long saed blong bildimap risiliens blong ol praevet sekta long disasta we man I statem o ol naturel iven.
Ol VCCCI trena , Yvonne Leo Taeki , Iren Titek mo Jack Ulas long Yut Jalenj oli travel iko long Lukanvile, Lakato ro mo lenakel tri wik I pas finis blong mekem ol trening ia.
Stampa tingting blong ol woksop ia hemi blong givhan long ol bisnis tru long wan planning proses we en prodak hemi blong hemi blong gat wan bisnis kontinuiti or prepresen plan we bae ol wok man oli givim tingting mo karemaot long ol taem blong wan bisnis disrapsen.
Yumi bilif se ova long 50% blong ol SMEs ( smol, midium, entapraes) we oli bin kasem sam damej long TC Pam oli mas klosem ol doa long fes 6 manis wetem namba we I moa hae bitim Fiji afta long TC Winston.
Jack Ulas we hemi fasiliteta blong Yut Jalenj I serem tingting se ‘ ol stamba tingting blong ol woksop ia oli blong tokbaot from wanem hemi impoten blong prepea long taem blong wan disrupsen mo kasem save long wanem bisnis kontinuiti o wanem hemi prepednes planing mo aedentifaem ol mein samting blong ol risilien bisnis we bae oli save ko tru long ol bigfala disrapsen be oli save kirap mo kam antap strong moa. Hem abaot lanem samting tru long ol stori we yumi serem mo hemi wan gudfala wei blong mitim ol narafala man we oli kamaot long bisnis komuniti.
Ol patisipen oli akri ‘Woksop ia emi brekem taon gud ol tinktink blong mekem rere long bisnis blong mi bifo lo taem wan disrapsen I tekem ples, mo tu blong helpem kroem mo holem taet bisnis blong mi blong emi no brok taon afta lo ol disrapsen’wan bisinis ona long luganville , Santo
Ol woksop oli ol mein aktiviti blong VCCI, wetem patnasip blong Vanuatu Bisnis Risiliens Kaonsel, we hemi stap provaedem ol infomesen long ol bisnis risiliens mo prepednes long ol praevet sekta long Vanuatu. Bae ol tim oli kam bak long ol lokesen blong olgeta samtaem long yia ia blong folemap ol prokress long wok blong ol patisipen , mo ol plan blong sappotem olgeta wetem moa trening.
Bae tim i mekem visit iko long Torba mo Penama blong fasilitetem Bisnis Prepednes planing woksop long ol manis we istap kam iet. Sipos you interest blong tek pat plis yu fri blong kontak reception long reception@vcci.com.vu o long 27543
Las toktok : Hemi bin wan proaktif mo praktikol woksop wea tufala fasiliteta mo ol patisipen oli kam tugeta blong shea mo wok. Ol patisipen blong woksop oli bin andastanem gud ol patisipen mo oli ting se woksop kaed mo ol samting we oli tekem ko bak bae i helpem ol bisnis ona blong bildimap ol plan mo mekem sua se I gat ol samting I rere bifo long taem blong wan disasta o long wan disrapsen, Irene Titek Trena.
