Wan wei o Rod blong VCCI blong muv i go long foret – Mesej blong Presiden Shaun Gilchrist
Mi bin kam Presiden blong VCCI long 1 Jenuri long yia ya mo stat long taem ya, ol memba blong kaonsel mo ol staf oli bin tekem wan difren lukluk long olsem wanem nao Jemba i stap wok. Mifala i bin akseptem se okanaesesen i no bin wok gud olsem we hemi sud wok olsem mo hemi taem blong mekem samfala jenis.
Mifala i bin hariap blong jenisim plante daelok blong VCCI wetem Gavman. Mi mi glad tumas long wanem we VCCI i bin mekem blong plante man i luksave mo oli talem tankyu bigwan from samting ya.
Nao mifla i bin tanem atensen blong mifla blong putum wan niufala visen, misen mo ol stratejik objektiv, mo save lukim ol praktikol samting we VCCI i save mekem blong mekem sua se hemi mitim ol statutori oblikesen blong hem, we bae i go longfala olsem wanem insaed long konstrein risos blong hem, mo i dilivaem valiu blong hem i go long membasip blong VCCI mo ol narafala stekholda.
Niufala visen stetmen blong mifala, wan stebol mo prosberas ekonomi, enkarejem tred, invesmen mo provaedem ekonomik opotuniti blong evri memba blong sosaeti tru aot long Vanuatu, yumi praod blong borowem long Nasonal Sastenebol Divelpmen plan blong kantri. Hemi talemaot i klia ol tingting blong VCCI blong kam wan okanaesesen we i mekem wan kontribusen we i difren olgeta i go long fuja blong kantri we i ripresentem praevet sekta mo i daelok wetem Gavman mo ol narafala, mo tu i provaedem wan bisinis divelopmen seves long truaot lo kantri we i wok gud oltaem.
Stratejik plan hemi komitmen blong VCCI blong i transfom, blong kam wan sastenebol okanaesesen we i gat valiu. Be toktok i no save mekem eni samting i hapen be tru long aksen nomo. Bambae oli jajem yumi folem plan blong yumi we yumi implementem we bambae i nidim rifaenmen taem yumi muv fowod, be mi biliv se hemi blong kam folem yumi taem yumi stap go, mo soemaot wan klia rod blong yumi folem. Mi hop se plan ya bambae i mekem fulap man oli gat konfidens blo kam wetem yumi taem yumi stap go, bambae oli patna mo kolaboret wetem yumi, mo provaedem sapot long saed blong mane.
Naoia yumi wan niufala tim. Wan tim we hemi stap luk fowod blong wan jalens be bambae hemi prodaktiv mo bambae i mekem ol gudfala samting long ol yia we i stap kam taem yumi transfom long VCCI i go long wan narafala kaen jemba we yumi evriwan i praod blong pat long hem.
Yumi stap luk fowod blong tekem moa nius i kam long yu abaot ol man blong jemba mo ol plan, long pej ya long ol manis we istap kam.
Rigad,
Shaun Gilchrist
