YU NIDIM OL WOKMAN WE OLI GAT SKILS BLONG WOK BLO BISNIS BLONG YU?

Ol man we oli gat ol gufala skils blo wok emi ol mein man insaed lo wan bisnis from olgeta nao bae oli givim kwaliti sevis long ol kastoma we bae save bildim gud reputesen blo wan bisnis mo mekem emi kam suksesful. Naia yumi nomo gat tumas man olsem oli stap long kantri blo mekem wok lo ol ki industri blo yumi, wetem emia VCCI istap traem blong finem sam wei blo solvem problem ya. VCCI emi wok tugeta wetem APTC blo mekem wan praevet sekta skills sevei, blong faenem aot wanem kaen skills nao yumi nidim blo ol local TVET provaeda blo yumi oli fokas blong traem growem namba blong ol man blo oli gat skil mo long eria ya we yumi sot lo hem.

Sevei ia ya tu yumi save usum blong mekem wan ripot we yumi save usum blong sapotem ol tingting blong yumi taem yumi sitdaun mo storian wetem ol disisen mekas. Sevei ya bae emi  kolektem tu ol Infomesen osem wanem nao ol gud saed mo nogud saed mo hao nao emi afektem praevet sekta taem ol man oli go wok aotsaed long kantri (RSE/SWP) long las 12 manis ipas.

Mifala e stap enkarejem yufala blo plis tekem taem blo yu mo fulumap sevei ia. Yu save komplitim yu wan – klik lo ples ia, or yu save mekem wan apoinmen wetem ol frenli staf blo mifala mo oli save kam sitdaun mo fulmap wetem yu.

Bae emi save tekem yu 15mins olsem blo komplitim. Ol tim blog mifala bae oli stap kam luk ol bisnis raon lo Efate, Santo, Malekula mo Tanna. Kolem 27543 o emeil Marineth @ administration@vcci.vu blong mekem apoenmen.

Mifala wantem talem tankiu mo bae mifala mekemsua blo letem yufala save wanem nao mifala faenemaot long sevei ya taem mifala finis. Bai sevei emi open kasem end blo October so plis tekem gud taem blong yu mo komplitim bifo end blo Oktoba.

Tim blo VCCI